Bacalaomótið 2017 – Skráning
Bacalaomótið fer fram í sjötta sinn laugardaginn 10. júní á aðalvellinum í Grindavík.
Mæting 14:00. Mót flautað á klukkan 15:04 og áætluð mótslok eru um kl. 17. Kvöldskemmtun og hin víðfræga “A la Bacalao” saltfiskveisla verður haldin í Gjánni og opnar húsið kl. 19:00 og matur hefst kl. 20:00
-Innifalið í mótsgjaldi sem er kr 8.000.- er eftirtalið:
-Glæsileg keppnistreyja sem mun nýtast við allmörg tækifæri og vallargjöld
-Ómæld gleði við að hlaupa inn á Grindavíkurvöll í fullum herklæðum og takkaskóm (ómetanlegt)
-Lýsi og liðamín – mánaðarskammtur ( sumum veitir ekki af ársbirgðum )
-Miði í saltfiskveisluna víðfrægu þar sem á boðstólum verður saltfiskur og meðlæti eins og hver getur í sig látið, verðlaunaafhendingar og gamanmál að hætti hússins, söngur og gleði ræður ríkjum.
Dagskrá kvöldskemmtunar:
Matseldin mun verða í öruggum höndum Bíbbans „bragðlaukameistara” Ólasonar sem hefur sérhæft sig í eldun á a la Bacalao saltfisk og hefur hlotið fjölda verðlauna fyrir saltfiskrétti sína. Boðið verður uppá saltfiskrétti líkt og fyrri ár.
Skemmtikraftar : Jóhannes Kristjánsson og Guðni Ágústsson ásamt Bjartmari Guðlaugssyni
-Verðlaunaafhending og mannamál að hætti hússins þar sem söngur og gleði ræður ríkjum
Þeir sem taka með sér maka í veisluna þurfa að greiða kr. 3.000.- aukalega.
Greiðist inn á reikning nr. 0143-26-005178 kt. 581090-2349 um leið og þið hafið skráð ykkur inn.
Enginn er í vafa um að hér er á ferðinni frábær skemmtun og stór liður í því að brottfluttir Grindvíkingar hitti gamla félaga og eigi með þeim góðar stundir.
Höfum hugfast getuleysið fyrirgefst, viljaleysið ekki, TÖKUM ÞÁTT !!!
Skráðu þig hér að neðan: